काठमाडौँ, फागुन ६ : चीनले मिलेनियम च्यालेन्ज कर्पोरेसन (एमसिसी) सम्बन्धमा भइरहेको विवादको विषयमा बोलेको छ ।
एमसिसी पारित गर्न अमेरिकाले नेपालसामु दबाब दिइरहेको आरोप चीनले लगाएको हो ।
शुक्रबार बेइजिङमा पत्रकार सम्मेलन गरी चीनको परराष्ट्र मन्त्रालयले एमसीसीमार्फत् अमेरिकाले ‘धम्की कुटनीति’ सुरू गरेको आरोप लगाउँदै आफूले प्रतिरोध गर्ने चेतावनी दिएको छ ।
‘अमेरिकाले नेपालसँगको सहकार्यको नाममा धम्की कुटनीति सुरू गरेको छ। यसको चीनले प्रतिरोध गर्नेछ,’
चिनियाँ परराष्ट्र प्रवक्ता वाङ् वन पिनले भन्नुभयो ।
पत्रकार सम्मेलनमा एकजना पत्रकारले अमेरिकी परराष्ट्र प्रवक्ताले फेब्रुअरी २८ तारिख भित्रमा एमसीसी पारित गर्न वा पुनर्विचार गर्न, नत्र भने नेपाल-अमेरिका सम्बन्ध प्रभावित हुनसक्ने भनेर दिएको चेतावनीबारे चीनको धारणा माग गरेपछि चीनको परराष्ट्र मन्त्रालयले यस्तो टिप्पणी गरेको हो।
