सिचाङ, २ जेठः
१९औं सगरमाथा सांस्कृतिक पर्यटन महोत्सव जुन १८ मा सिचाङ (तिब्बत) को शिगात्से शहरमा हुने भएको छ । जुन १ देखि ३० तारिखसम्म “सगरमाथाको गृहनगर, खुला शिगात्से” भन्ने मूल नाराका साथ अनेकन कार्यक्रमहरूको श्रृंखला आयोजना गरिने महोत्सव आयोजकले जानकारी दिए ।
आयोजित पत्रकार सम्मेलनमा जनाइएअनुसार लगानी प्रवर्द्धन सम्मेलन, उत्पादन प्रदर्शनी, सांस्कृतिक तथा पर्यटन प्रवर्द्धन सम्मेलन, सांस्कृतिक तथा कलात्मक प्रदर्शन र खेलकुद कार्यक्रमहरू सम्मेलनमा समावेश छन् । गतिविधिहरूले शिगात्सेको आर्थिक तथा सामाजिक विकास, सांस्कृतिक तथा पर्यटन स्रोतहरू र बाहिरी संसारको लागि खुलापनको स्तरलाई व्यापक रूपमा प्रदर्शन गर्ने लक्ष्य राखेका छन् ।
शिगात्से तिब्बत स्वायत्त क्षेत्रको दोस्रो ठूलो शहर हो र एक महत्त्वपूर्ण सांस्कृतिक जन्मस्थल हो । सगरमाथा सांस्कृतिक पर्यटन महोत्सवको मुख्य गतिविधिहरू जुन १८ देखि २५ सम्म आयोजना हुने जानकारी दिइएको छ । यस अवधिमा अमूर्त सांस्कृतिक सम्पदा अनुभव, कृषि उत्पादन प्रदर्शनी र बिक्री, सांस्कृतिक तथा रचनात्मक उत्पादन सिर्जनात्मकता प्रतियोगिता र अन्य विशेष सांस्कृतिक पर्यटन कार्यक्रमहरू सहित ७ वटा वर्गमा १४ विषयगत गतिविधिहरू आयोजना गरिने चिनियाँ संचारमाध्यमहरूले जनाएका छन् ।
