काठमाण्डौ, २१ मंसिर : नेपाल वायुसेवा निगमले तीन वटा जहाज खरिद गर्न आह्वान गरेको बोलपत्रमा तीनवटा कम्पनीको आवेदन परेको छ । लेट ४१०, डोर्नियर र ट्विनअटर गरी तीन वटा जहाज उत्पादक कम्पनीको प्रस्ताव आएको निगमले जनाएको छ ।
निगमले गएको कात्तिक ५ गते ४५ दिने सार्वजनिक सूचना निकालेर तीन वटा जहाज खरिदको अन्तर्राष्ट्रिय टेन्डर (बोलपत्र) आह्वान गरेको थियो । यस समयावधिमा विभिन्न तीन वटा कम्पनीले प्रस्ताव गरेका हुन् ।
निगमसँग अहिले दुई वटा ट्वीअटर जहाज छन् । दुर्गम तथा पहाडी भेगमा उडान थप्न र गन्तव्य विस्तार गर्न निगमले थप तीन वटा जहाज किन्न लागेको हो ।
