वासिङ्टन, १२ जेठ :अमेरिकी रक्षामन्त्री लोयड जे अस्टिन तृतीयले आगामी सातादेखि भारतसहित चार राष्ट्रको भ्रमण गर्नुहुने भएको छ ।
अमेरिका र भारतले अमेरिका–भारत प्रमुख रक्षा साझेदारीलाई आधुनिकीकरण गर्ने क्रम जारी राख्ने क्रममा उनले रक्षामन्त्री राजनाथ सिंह र अन्य नेताहरूसँग भेटवार्ता गर्नुहुनेछ । यो भ्रमणले नयाँ रक्षा नवप्रवर्तन र औद्योगिक सहयोग पहललाई गति दिने र संयुक्त राज्य अमेरिका र भारतीय सेनाबीच सैन्य परिचालन सहयोग विस्तार गर्न जारी प्रयासहरूलाई गति दिने अवसर प्रदान गर्ने बताइएको छ ।
भारत आउनुपूर्व अमेरिकी रक्षामन्त्री लोयडले जापानको भ्रमण गर्नुहुनेछ । जापानमा रहँदा रक्षामन्त्री यासुकासु हमादा र अन्य वरिष्ठ नेतासँग भेटवार्ता गर्नुका साथै जापानमा तैनाथ अमेरिकी सेनाको गतिविधिबारे भ्रमण अवलोकन गर्ने कार्यक्रम छ ।
अमेरिका र जापानले गठबन्धनको क्षमतालाई आधुनिकीकरण गर्न, अमेरिकी सेनाको स्थितिलाई अनुकूलन गर्न र यस वर्षको सुरुमा ऐतिहासिक अमेरिका–जापान ‘२ +२’ मन्त्रीस्तरीय बैठकपछि समान विचारधारा भएका साझेदारहरूसँग सम्बन्ध निर्माण गर्न महत्वपूर्ण कदम चालिरहेका बेला मन्त्री अस्टिनको भ्रमण हुन लागेको विज्ञप्तिमा उल्लेख छ ।
त्यसपछि विदेशमन्त्री अस्टिन सिंगापुर जानुहुनेछ । उहाँले सिङ्गापुरमा हुने ‘इन्टरनेसनल इन्स्टिच्युट फर स्ट्राटेजिक स्टडिज (आईआईएसएस)’ को २० औं साङ्ग्रिला वातालाई सम्बोधन गर्नुुहुनेछ ।
वार्ताको क्रममा विदेशमन्त्रीले आसियान केन्द्रीयतामा आधारित स्वतन्त्र र खुला हिन्द–प्रशान्तका लागि अमेरिकी साझा दृष्टिकोणको समर्थनमा यस क्षेत्रमा अमेरिकी रक्षा साझेदारीलाई अगाडि बढाउन प्रमुख नेताहरूसँग भेटघाट गर्नुहुनेछ । सिङ्गापुरको भ्रमण सकेर सेक्रेटरी अस्टिनले भारत भ्रमण गर्नुहुनेछ ।
डि–डेका ७९ औँ वार्षिकोत्सवका अवसरमा आयोजित कार्यक्रममा भाग लिनुहुनेछ । फ्रान्सको नोरम्यान्डी आक्रमण जसलाई डि–डेको नामले पनि चिनिन्छ । त्यहाँ फ्रान्सेली तथा बेलायतका रक्षा मन्त्रीहरूसँग भेटघाटपछि अस्टिनले फ्रान्सको भ्रमणका साथै आफ्नो भ्रमणलाई समापन गर्नुहुनेछ ।
