काठमाडौं, साउन ६ : आर्सनलले अमेरिका यात्रा रोकेको छ । प्रिमियर लिगको तयारी स्वरुप आर्सनलले अमेरिकामा फ्लोरिडा कप खेल्ने तय भएको थियो । आर्सनलले बुधबार एक वक्तब्य जारी गरी भ्रमण टोलिका सदस्य सङ्क्रमित भएपछि फ्लोरिडा कप खेल्ने कार्यक्रम रद्द गरिएको जनाएको छ ।
प्रिमियर लिग टोलि आर्सनल बिहीबार अमेरिकाका लागि प्रस्थान गर्ने कार्यक्रम थियो । आइतबार आर्सनलले ओर्लेन्डोमा इन्टर मिलानको सामना गर्ने तय भएको थियो । आर्सनलले टोलिमा सानो संख्याका सदस्य सङ्क्रमित भएको जनाएको छ । वक्तब्यमा भने कुन र कति खेलाडी सङ्क्रमित भएको सम्बन्धमा प्रष्ट्याएको छैन् ।
