काठमाडौं, भदौ ११ : कजाखस्तानमा भएको श्रृखंलाबद्ध बम विष्फोटमा कम्तिमा चार जनाको मृत्यु भएको छ । कजाखस्तानको दक्षिणी शहर तराजमा उक्त विष्फोट भएको बताइएको छ ।
समाचार संस्था एएनआईका अनुसार कजाखस्तानका रक्षा मन्त्री नूरलान यर्मेक्बाएभले विष्फोटमा कम्तिमा २८ जना घाइते भएका जानकारी दिनुभएको छ ।
बिहीबार साँझ कजाखस्तानको तराजस्थित एक गोदामघरमा श्रृखंलाबद्ध विष्फोट भएको थियो । छ वटा विष्फोटमा कम्तिमा ६६ जना घाइते भएका थिए । घटनाको कारण अझै अनुसन्धानकै क्रममा रहेको बताइएको छ ।
