देशभर चिसो बढ्दै, काठमाडौँको न्यूनतम तापक्रम ८.५ डिग्री

  ४ घण्टा अगाडि

काठमाडौँ, १ मङ्सिर : काठमाडौँ उपत्यकासहित देशभर चिसो बढ्दै गएको छ । मौसम पूर्वानुमान महाशाखाका अनुसार आज दिउँसो १ बजे काठमाडौँको तापक्रम १९ डिग्री सेल्सियस मापन गरिएको छ ।

महाशाखाका अनुसार आज बिहान काठमाडौँ उपत्यकाको न्यूनतम तापक्रम ८.५ डिग्री सेल्सियस रहेको थियो ।

कोशी प्रदेशका ताप्लेजुङलगायत हिमाली तथा पहाडी जिल्लामा न्यूनतम तापक्रम १० देखि १२ डिग्री सेल्सियस पुगेको छ । त्यस्तै, कोशी प्रदेशका मोरङलगायत तराई क्षेत्रको न्यूनतम तापक्रम पनि १० देखि १२ डिग्री सेल्सियस रहेको छ ।

मधेस प्रदेशमा भने न्यूनतम तापक्रम १७ देखि १८ डिग्री सेल्सियस मापन गरिएको महाशाखाले जनाएको छ ।

तपाईको प्रतिक्रिया