चीनको राजधानी बेइजिङमा आयोजना भइरहेका दुई अधिवशेन अर्थात् राष्ट्रिय जन कांग्रेस (एनपीसी) र चिनियाँ जनराजनीतिक परामर्शदात्री सम्मेलन (सीपीपीसीसी) ले विश्वको ध्यानाकर्षण गरिरहेका छन्। वार्षिक रुपमा हुने यी दुई अधिवेशनमा विभिन्न नीतिहरू बनाइन्छन् र निर्णयहरू कार्यान्वयनमा जान्छन्। यी नीति, योजना र निर्णयहरूले चीनमा मात्र नभई सम्पूर्ण विश्वमा प्रभाव राख्ने भएकाले यतिखेर विश्वको नजर बेइजिङतर्फ सोझिएको छ।
चिनियाँ प्रधानमन्त्री ली छियाङले मार्च ५ मा जनकाङ्ग्रेस समक्ष सरकारी कार्य प्रतिवेदन प्रस्तुत गरे।यो प्रतिवेदनलाई विज्ञहरूले सकारात्मक रूपमा मूल्याङ्कन गरेका छन्।यस प्रतिवेदनमा हाइलाइट गरिएका बुँदाहरूले चिनियाँ नागरिकहरूको जीवनस्तरमा व्यापक सुधार ल्याउने आशा गरिएको छ। साथै, आर्थिक अवस्थामा सुधार हुनेछ र चीन आधुनिकीकरणतर्फ अगाडि बढ्नेछ। यसरी सरकारी कार्य प्रतिवेदनले सकारात्मक ऊर्जा उत्पन्न गरेको छ। यो भन्न सकिन्छ कि चीनमा जनता केन्द्रित योजनाहरूमा धेरै ध्यान दिइन्छ। जबकि सरकारले आर्थिक सुधार र खुलापनमा पनि ध्यान केन्द्रित गर्दछ। यसअघि आयोजित दुई सत्रहरूमा चीनले खुलापन र नवीनता बढाउनमा पनि जोड दिएको थियो।
चीनका दुई अधिवेशन जारी रहँदा बाहिरी विश्वले चाहिँ आर्थिक अवस्था र जीडीपी लक्ष्यहरूमा बढी ध्यान दिइरहेको पाइन्छ। यसको अर्थ विश्वले आर्थिक दृष्टिकोणबाट चीनलाई हेरिरहेको छ। चीनले सन् २०२५ का लागि ५ प्रतिशत कुल गार्हस्थ उत्पादन जीडीपीको लक्ष्य राखेको छ। अर्थशास्त्रीहरूले यसलाई राम्रो संकेत भन्दै विश्लेषण गरिरहेका छन्।
कोरोना महामारीपछि पनि विश्वको आर्थिक अवस्था त्यति राम्रो छैन । यस्तो अवस्थामा चीनले आफ्नो र विश्वव्यापी अर्थतन्त्रलाई पुनर्जीवित गर्न जुन किसिमको प्रयास गरेको छ, त्यसबाट विश्वले आशाका साथ चीनतर्फ हेरिरहेको छ। यदि चीनको आर्थिक अवस्था कमजोर भयो भने यसको प्रत्यक्ष असर अन्य देशहरूमा पर्छ। प्रतिवेदन अनुसार चीनले स्थिर वैदेशिक व्यापार नीति कायम राख्नेछ र विदेशी लगानी आकर्षित गर्ने उपायहरूलाई अझ तीव्र पार्नेछ।
चीनले देशमा जनताकेन्द्रित लगानी बढाउने कुरा गरेको छ। धेरै भन्दा धेरै मानिसहरूलाई रोजगारी प्रदान गर्ने कुरामा ध्यान केन्द्रित हुनेछ। रोजगारीका अवसरले जनजीवन राम्रो हुनेछ। जुन चिनियाँ राष्ट्रपति सी चिनफिङको समृद्ध चीन निर्माणको एउटा सपना नै हो।
यो वर्ष चीनको १४ औं पञ्चवर्षीय योजनाको अन्तिम वर्ष हो। यस योजना अवधिमा, चीनले कोभिड-१९ महामारीको संकटको सामना गर्दै विभिन्न योजनाहरूमा काम मात्र गरेन, तर विश्वसामु स्थिर अर्थतन्त्र सञ्चालन गर्ने उदाहरण पनि प्रस्तुत गर्यो। दुई सत्रहरूमा योजनाको उद्देश्य पूर्ण रूपमा प्राप्त गर्न चालिएका कदमहरू उल्लेख गरिएको थियो। यसपछि, अर्को अर्थात् १५ औं पञ्चवर्षीय योजना लागू हुनेछ, जसमा चीनले नवप्रवर्तन र खुलापनलाई प्रवर्द्धन गर्नेछ।
चीन विश्वको दोस्रो ठूलो आर्थिक शक्ति हो। धेरै देशहरूको चीनसँग गहिरो व्यापारिक सम्बन्ध छ। चीनले धेरै देशहरूमा विभिन्न सामान र प्रविधि आदि निर्यात गर्छ। अतः चीनमा हुने राजनीतिक घटनाक्रम विश्वका लागि चासोको विषय बन्दछ।
