लुम्बिनी, पुस २ : युवा तथा खेलकुदमन्त्री महेश्वर गहतराजले समावेशी र समानुपातिक प्रतिनिधित्व उल्ट्याउने कोसिस भइरहेको दाबी गर्नुभएको छ ।
जागरण मिडिया सेन्टरको २३औँ र रेडियो जागरणको १५औँ वार्षिकोत्सवलाई आज बुटवलमा सम्बोधन गर्दै नेकपा (माओवादी केन्द्र)का स्थायी कमिटी सदस्य समेत रहनुभएका उहाँले समावेशिता, सङ्घीयता र धर्मनिपेक्षतालाई उल्ट्याउने र प्राप्त उपलब्धिलाई मास्ने प्रयत्न विभिन्न तहबाट भएको जिकिर गर्नुभयो ।
यसका लागि राजनीतिक, बौद्धिक, सञ्चार र कानुनी क्षेत्रबाट प्रहार भएको उहाँको टिप्पणी छ । उहाँले नेपालका राजनीतिक दलले दलित समुदाय मुुद्दा साझा बनाउन नसकेको बताउनुभयो । “जातीय छुुवाछूतको विषय सबैको साझा समस्या बन्नुुपर्छ”, उहाँले भन्नुभयो, “यसका लागि दलित र गैरदलित दुुवैले साझा अभियान चलाउनुुपर्छ ।”
सञ्चारमाध्यले समाजिक रुपमा पछाडि पारिएका समुदायको आवाजलाई प्राथमिकता दिनुुपर्नेमा उहाँले जोड दिनुभयो । उहाँले जागरण मिडियाले नेपाली सञ्चार क्षेत्रमा समावेशिताको मुद्दालाई अझ सशक्त रुपमा उठाउनुपर्ने आवश्यकता रहेको बताउनुभयो ।
बुटवल उपमहानगरका नगरप्रमुुख खेलराज पाण्डेले नेपाली सञ्चारमाध्यम र त्यसमा पनि समुदाय तहले सञ्चालन गरेका सञ्चारमाध्यमले सङ्कट भोगिरेहेको बताउनुभयो । उहाँले जागरणले समुदायमा सञ्चारमाध्यममार्फत् सचेतना गर्ने काममा महत्वपूर्ण योगदान पुु¥याएको बताउनुभयो ।
उहाँले बुटवल उपमहानगरपालिका यसका लागि सहयोग गर्न तयार रहेको बताउनुभयो । संविधानसभा सदस्य विनोद पहाडीले नेपाली मिडियामा अझै पनि दलित तथा सिमान्तकृतको मुद्दा प्राथमिकतामा नपरेको बताउनुभयो ।
उत्पीडित जातीय मुक्ति समाजका केन्द्रीय सचिव कमलादेवी विश्वकर्माले पछाडि पारिएका समुदायको आवाज मिडियामा आउन नसकेको बताउनुभयो । मानवअधिकार तथा शान्ति समाजका केन्द्रीय सभापति गोविन्द खनालले मङ्सिर ४ मा सम्पन्न भएको निर्वाचनले सामाजिक न्यायको आन्दोलनको आवश्यकता नसकिएको पुुष्टि गरेको बताउनुभयो ।
जागरण मिडिया सेन्टरका अध्यक्ष कमला विश्वकर्माले २३ वर्षको यात्रामा थुप्रै आरोहअवरोह पार गर्दै सामाजिक रुपान्तरणको अभियानमा सहभागी भएको बताउनुभयो ।
