रुकुम(पूर्व), वैशाख ३० : रुकुम(पूर्व) जिल्लाको सिस्ने गाउँपालिका–५ टाकुरास्थित एकै घरका चार जना किरियापुत्रीले मतदान गरेका छन् ।
स्थानीय तह निर्वाचनको मतदानमा गीता शाह, मोहन शाह, सरिता शाह र डम्मरीकुमारी शाहले रुक्मिणी माध्यमिक विद्यालयमा रहेको मतदान केन्द्रमा पुगेर मतदान गर्नुभएको थियो ।
१०३ वर्षीय वृद्धद्वारा मतदान
सोही गाउँपालिका–५ का १०३ वर्षीय लक्ष्मण खत्रीले मतदान रुक्मिणी माध्यमिक विद्यालयमा रहेको केन्द्रबाट नाति सुशील केसीको सहारामा मतदानस्थलमा मतदान गर्नुभएको हो ।
त्यसैगरी सिस्ने गाउँपालिका–६ की ९७ वर्षकी चन्द्रकुमारी शर्माले पनि माइला छोरा टीकाराम शर्माको साथमा मतदान गर्नुभएको छ ।
