काठमाडौं, वैशाख ७ : निर्देशक रोहित शेट्टीको निर्देशनमा बनेको ‘इन्डियन पुलिस फोर्स’ वेब सिरिजको टिजर सार्वजनिक भएको छ ।
बलिउड अभिनेता सिद्धार्थ मल्होत्रा सिरिजमा प्रहरीको भूमिकामा देखिने भएका छन् । हालै रोहितले सामाजिक सञ्जालमा सेयर गर्नुभएको टिजरमा रोहितले सिद्धार्थको भूमिकालाई उत्कृष्ट शैलीमा प्रस्तुत गर्नुभएको छ ।
यो वेब सिरिज आठ एपिसोडको हुनेछ, जसमा सिद्धार्थ मल्होत्राको एक्सन, सस्पेन्स र देशभक्तिपूर्ण शैली देख्न सकिनेछ ।
आफ्नो वेब सिरिजको घोषणा गर्दै रोहितले भारतीय पुलिस बल आफ्ना लागि धेरै विशेष रहेको र वर्षौंदेखि यसमा काम गरिरहेको बताउनुभयो ।
