बर्लिन, चैत ३ : यूक्रेनी राष्ट्रपति भोलोदिमिर जेलेन्स्कीले बिहीबार जर्मनीलाई आफ्नो देशको लागि बढी समर्थन प्रदान गर्न नेतृत्वको भूमिका निर्वाह गर्न आह्वान गर्नुभएको छ ।
भिडियोमार्फत् जर्मन संसदलाई सम्बोधन गर्दै जेलेन्स्कीले जर्मन चान्सलर ओलाफ सोल्जलाई थप सहयोग गर्न आह्वान गर्नुभएको हो ।
उत्तरी एटलान्टिक सन्धि संगठन ९नेटो० मा सामेल हुन नसक्दा निराश बनेका जेलेन्स्कीले यूक्रेनले अझै पनि यूरोपेली संघमा पहुँच प्राप्त गर्ने प्रयास गरिरहेको बताउनुभएको छ ।
मार्चमा आयोजित एक पत्रकार सम्मेलनमा सोल्जले जर्मनी र नेटोले रुस–युक्रेन द्वन्द्वमा सक्रिय भूमिका नखेल्ने स्पष्ट पार्नुभएको थियो । उहाँले आफ्नो सरकारले ‘यो सङ्कटबाट मुक्त हुने संयुक्त मार्ग’ का लागि सबै कूटनीतिक माध्यम प्रयोग गर्ने बताउनुभयो ।
