काठमाडौं, माघ २ : गायिका मेलिना राईको ‘फूलहरु मगमग’ को म्यूजिक भिडियो सार्वजनिक भएको छ । बेलायतका रमणीय स्थानहरुमा छायांकन गरिएको भिडियोमा मोडल तथा भ्लगर सृजना निङ्लेखुको अभिनय देख्न सकिन्छ ।
मोडल सृजनाको आफ्नै युट्युब च्यानल ‘सृजना निङ्लेखु’ बाट भिडिया सार्वजनिक गरिएको हो । कन्चन थलङ लिम्बुको शब्द तथा संगीत रहेको गीतको भिडियोलाई एक दशक भन्दा लामो समयदेखि बेलायतमा रहँदै आएका संचारकर्मी एवंम निर्देशक कुशल श्रेष्ठले निर्देशन गर्नुभएको हो । यस्तै, भिडियोमा निर्देशक श्रेष्ठकै छायांकन र सम्पादन रहेको छ ।
