काठमाडौं, वैशाख ३० : कोभिड १९ को दोस्रो लहरबाट तङ्ग्रिएको भारतलाई बेलायतले थप एक हजार दुई सय थान अक्सिजन सिलिण्डर सहयोग गरेको छ । बिहीबार उक्त सिलिण्डर बोकेको कतार एयरवेजको विमानलाई भारतमा स्वागत गरिएको छ ।
समाचार संस्था एएनआईका अनुसार बेलायतले गरेको सहयोगप्रति भारतको विदेश मन्त्रालयका प्रवक्ता अरिन्दम बाग्चीले धन्यवाद ज्ञापन गर्नुभएको छ । उक्त सिलिण्डर कतार विमान सेवाले निःशुल्क ढुवानी गरेको छ । बेलायती कम्पनीले यसअघि गत सोमबार भारतलाई एक हजार ३५० सिलिण्डर सहयोग गरेको थियो ।
