न्यूयोर्क, चैन ४ : कोरोना भइरसबाट संक्रमित र मृत्यु हुनेको संख्या दिन प्रतिदिन बढ्दै गइरहेको छ ।
सबैभन्दा धेरै मृत्यु र संक्रमित हुनेको संख्या इटलीमा रहेको छ । इटलीमा मंगलबार २७ हजार ९८० बिरामी भएकोमा दुई हजार १५८ जनाको मृत्यु भएको छ ।
बिरामीमध्ये दुई हजार ७४९ जनालाई निको भएको छ भने २३ हजार ६३ जना बिरामी अवस्थामै रहेका छन् । बिरामीमध्ये एक हजार ८५१ जना गम्भीर अवस्थामा रहेका छन् ।
अमेरिकामा सोमबार रातिसम्म बिरामीको संख्या चार ८०० सय पुगेको छ । पछिल्लो २४ घण्टामा झण्डै एक हजार बिरामी थपिएका छन् । मृत्यु हुनेको संख्या भने ८५ रहेको छ । तीमध्ये आधाभन्दा बढी वासिंटनका रहेको छन् भने न्यूयोर्कमा १० क्यालीफोर्नियामा सात जनाको मृत्यु भएको छ ।
भारतमा मंगलबारसम्म १२५ जना संक्रमित भएका छन् । तीमध्ये १०३ जना भारतीय नागरिक नै छन् भने २२ जना विदेशी रहेका छन् । भारतमा कोरानाका कारण अहिलेसम्म दुई जनाको मृत्युभएको छ भने १३ जना उपचारपछि घर फर्किएका छन् ।
दक्षिण कोरिायमा पछिल्लो २४ घण्टामा ८४ जना बिरामी थपिएका छन् । योसँगै कूल संक्रमितको संख्या आठ हजार ३२० पुगेको छ ।
त्यसैगरी थप ६ जनाको मृत्यु भएसँगै कोरियामा कूल मृत्यु हुनेको संख्या ८२ पुगेको अधिकारीले जनाएकाछन् । बिरामी र संक्रमित भएकामध्ये २६४ जना सन्चो भएर घर फर्किएका छन् ।
फ्रान्समा छ हजार ६३३ जना संक्रमित भएका छन् भने कूल १४८ जनाको मृत्युभएको छ । स्वास्थ्य मन्त्रालयले सार्वजनिक गरेको पछिल्लो विवरणअनुसार १२ जनालाई निको भइसकेको छ । बिरामी नै अवस्थामा रहेका छ हजार ४७३ जनामध्ये ४०० जना गम्भीर अवस्थामा रहेका छन् ।
अष्ट्रेलियामा कूल बिरामीको संख्या ४४० पुगेको छ । तीमध्ये ३९ जना पछिल्लो २४ घण्टामा थपिएका छन् भने अहिलेसम्म कूल पाँच जनाको मृत्यु भएको सरकारी अधिकारीले जानकारी दिएका छन् । अष्ट्रेलियाबाट उडान हुने अन्तरराष्ट्रिय हवाई सेवामध्ये ९० प्रतिशत उडान स्थागित भएका छन् ।
ब्राजिलमा कोरोना भाइरसबाट संक्रिमत संख्या २३४ पुगेको छ । तीमध्ये ३४ जना पछिल्लो २४ घण्टामा थपिएका छन् ।
इजिप्टमा भने पछिल्लो २४ घण्टामा दुईजनाको मृत्यु भएको थप ४० जना गरी कूल संक्रमितको संख्या १६६ पुगेको छ । मृत्यु हुनेको संख्या चार पुगेको छ ।
इजरायलमा स्वास्थ्य परीक्षण गरिएका मध्ये पछिल्लो समयमा थप ८५ जनामा कोरोना भाइरस रहेको पुष्टि भएको छ, योसँगै कूल संक्रिमतको संख्या २९८ पुगेको छ ।
इराकमा थप एक जनाको मृत्यु भएको छ भने छ जना थप संक्रमित भेटिएका छन् । योसँगै कूल मृत्यु हुनेको संख्या १० र संक्रमित हुनेको संख्या १३३ पुगेको छ ।
त्यसैगरी इरानमा १४ हजार ९९१, स्पेनमा नौ हजार ९४२, जर्मिनीमा सात हजार २६२, नेदरल्याण्डमा एक हजार ४१३ जना संक्रमित भएको विवरण विश्व स्वास्थ्य संगठनले सार्वजनिक गरेको जनाइको छ ।
जापानमा कोभिड–१९ बाट ८२१ संक्रमण भएको मंगबार जापानको स्वास्थ्य मन्त्रालय र स्थानीय सरकारले मंगलबार जानकारी दिएको छ ।
स्थानीय समयानुसार मंगलबार बिहान १०ः३० सम्म ८२१ जनामा संक्रमण देखिएका छ । जापानमा कोरोना भाइरसको संक्रमणको कारण हाल सम्म ३५ व्यक्तिको मृत्यु भएको छ ।
स्वास्थ्य मन्त्रालयका अनुसार कोरोना भाइरसका कारण ज्यान गुमाउनेहरुमा टोकियोनजिकको योकोहामामा भाइरसबाट प्रभावित डायमण्ड प्रिन्सेस् क्रूज जहाजमा रहेका व्यक्तिहरुमा पनि समावेश छन् ।
